DAF 2020 წლის შედეგების მიხედვით კვლავ ლიდერია ევროპულ ბაზარზე სატვირთო ავტომობილების გაყიდვების კუთხით.

2020 წელს DAF-მა ევროპულ მძიმე სატვირთოების ბაზარზე შეძლო 37,580 სატვირთო ავტომობილის გაყიდვა, რითაც ევროპაში არსებული კომპანიის სატვირთოების რიცხვი 230,400-მდე გაიზარდა. ამგვარად, DAF ზედიზედ მეორე წელია ხდება ევროპის მძიმე სატვირთოების ბაზრის რეკორდულად დიდი წილის - 16.3%-ის მფლობელი (2019-ში ეს წილი 16.2% იყო). ასევე, აღსანიშნავია, DAF-მა 41,400 ერთეული საშუალო სიმძიმის სატვირთო გაყიდა, რითაც ამ სეგმენტში 9.5%-იან წილს მიაღწია. 

DAF-მა შეინარჩუნა ლიდერობა მძიმე სატვირთოების ბაზარზე ისეთ ქვეყნებში, როგორიცაა ჰოლანდია (31.8%), დიდი ბრიტანეთი (31.6%), პოლონეთი (23.7%), უნგრეთი (27.9%) ბულგარეთი (25.4%). ჰოლანდიური კომპანია ასევე გახდა ლიდერი ბრენდი იპორტის კუთხით ევროპის 2 ყველაზე მსხვილ ბაზარზე: გერმანიასა და საფრანგეთში.

„ჩვენი პროგნოზით, 2021 წელს ევროპული სატვირთო ავტომობილების ბაზარი განაგრძობს ზრდას და უახლოეს მომავალში მისი მოცულობა 250 000-დან 280 000-მდე სატვირთოს შეადგენს. ჩვენ მზად ვართ სამომავლო ზრისთვის და ჩვენი მომხმარებლებისთვის უმაღლესი ხარისხის, განსაკუთრებული ეკონომიურობის და კომფორტის შეთავაზებისთვის.“ განაცხადა DAF-ის პრეზიდენტმა ჰარი უოელტერსმა.