ერთის მხრივ, შპს „ვაკო მოტორსი“ და მეორეს მხრივ, „მომხმარებელი“ შევთანხმდით ხელშეკრულების შემდეგ პირობებზე: 

1. ხელშეკრულების საგანი

1.1 წინამდებარე ხელშეკრულებით რეგულირდება „მომხმარებელსა“ და შპს „ვაკო მოტორსს“  შორის წარმოშობილი ყველა ურთიერთობა, რომელიც უკავშირდება „მომხმარებლის“ მიერ  შპს „ვაკო მოტორსის“ ვებგვერდით სარგებლობას, ამავე ვებგვერდის საშუალებით პირადი ანგარიშის გახსნას, ანგარიშზე პერსონალური ინფორმაციის განთავსებას და გამოყენებას და ამავე ვებგვერდზე შპს „ვაკო მოტორსის“ მიერ განთავსებული პროდუქციის/საქონლის შეძენას. 

2. მომხმარებლის თანხმობა წინამდებარე ხელშეკრულების პირობებზე

2.1. „მომხმარებელი“ წინამდებარე ხელშეკრულებაზე დათანხმებით, რა ფორმითაც არ უნდა იყოს გამოხატული იგი, ადასტურებს, რომ დეტალურად გაეცნო  შპს „ვაკომოტორსის“ მიერ საჯაროდ გამოქვეყნებულ წინამდებარე ხელშეკრულების ყველა პირობას და გამოხატა თანხმობა ყველა აღნიშნულ პირობასთან დაკავშირებით. მათ შორის:

2.1.1. ადასტურებს, რომ არის სრულწლოვანი, 18 წელს მიღწეული, ქმედუნარიანი პირი და დაიცავს წინამდებარე ხელშეკრულებით გათვალისწინებულ პირობებს;

შპს „ვაკომოტორსის“ მიერ მოთხოვნილ ინფორმაციას წარადგენს სრულად და ზუსტად, რათა ისარგებლოს მისი მომსახურებით;

2.1.2. მკაცრად დაიცავს შპს „ვაკომოტორსის“  და მისი მომწოდებლების საავტორო და ინტელექტუალურ უფლებებს, არ განახორციელებს ვებგვერდზე არსებული ინფორმაციის სრულად ან რაიმე ნაწილის კოპირებასა და გავრცელებას ნებისმიერი სახით და მიზნებისათვის;

2.1.3. მკაცრად დაიცავს თავისი პირადი ანგარიშის კონფიდენციალურობას, არ გაუმჟღავნებს ნებისმიერ მესამე პირს თავისი ანგარიშის მონაცემებს, რათა დაცული იყოს მისი პირადი ანგარიშის უსაფრთხოება; 

2.1.4. არ განახორციელებს ისეთ ქმედებებს, რომელიც მიმართულია სხვა მომხმარებლის პერსონალური და კონფიდენციალური ინფორმაციის კანონდარღვევით მოპოვებისა და  განკარგვისაკენ;

2.1.5. არ გაასაღებს თავს სხვა მომხმარებლად ან/და არ გამოიყენებს სხვა მომხმარებლის პირად მონაცემებსა და გვერდს;

2.1.6. არ განახორციელებს ისეთ ქმედებას, რომელიც საფრთხეს უქმნის შპს „ვაკო მოტორსის“ ვებგვერდის ან მომსახურების გამართულ ფუნქციონირებას;

2.1.7. არ განახორციელებს ისეთ ქმედებას, რომელიც აკრძალულია საქართველოს მოქმედი კანონმდებლობით და წინამდებარე ხელშეკრულებით.

2.2. შპს „ვაკო მოტორსი“ უფლებამოსილია ცალმხრივად ნებისმიერ დროს შეიტანოს ცვლილება წინამდებარე ხელშეკრულებაში, რის შესახებაც ინფორმაციას განათავსებს ვებ-გვერდზე - https://shop.vakomotors.ge/. ასევე, შპს „ვაკო მოტორსი“ უფლებამოსილია ნებისმიერ დროს შეცვალოს ან გააუქმოს ვებგვერდზე გამოქვეყნებული ინფორმაცია თუ განთავსებული პროდუქცია მომხმარებელის წინასწარი შეტყობინების გარეშე.

2.3. იმ შემთხვევაში, თუ შპს „ვაკო მოტორსს“ და „მომხმარებელს“ შორის ურთიერთობა დარეგულირდება სხვა სპეციალური ხელშეკრულებით, წინამდებარე ხელშეკრულებასა და სხვა სპეციალური ხელშეკრულების პირობებს შორის წინააღმდეგობის არსებობის შემთხვევაში, უპირატესობა მიენიჭება სპეციალური ხელშეკრულების პირობებს.

3. მომხმარებლის მიერ შპს „ვაკო მოტორსი“-ს  ვებ-გვერდით სარგებლობის პირობები  

3.1. შპს „ვაკო მოტორსის“  ვებვერდზე რეგისტრაციისას მომხმარებელი ვალდებულია რეგისტრაციის მიზნებისათვის განათავსოს მხოლოდ ზუსტი და სრული ინფორმაცია, ასევე მოახდინოს ამ ინფორმაციის განახლება თუ ის შეიცვლება. რეგისტრაციის წარმატებით დასრულებისას მომხმარებელს გაუაქტიურდება პირადი ანგარიში (მომხმარებლის სახელით და პაროლით). ვებ-გვერდზე https://shop.vakomotors.ge/ ავტორიზაცია და შპს „ვაკო მოტორსის“ მომსახურებით სარგებლობა, მომხმარებლის პირადი ანგარიშის მეშვეობით, არ არის ნებადართული ნებისმიერი სხვა ფიზიკური ან იურიდიული პირისათვის, რომელიც არ არის ამ ანგარიშის მფლობელი. სწორედ მომხმარებელია პასუხისმგებელი მსგავსი უნებართვო სარგებლობის აღკვეთაზე. ფიზიკურ და იურიდიულ პირებს, რომელთა ვებ-გვერდზე შესვლა და მომსახურებით სარგებლობის უფლება მანამდე შეწყვეტილ იქნა შპს „ვაკო მოტორსის“ მიერ, არ აქვთ უფლება სხვა პირის სახელით დარეგისტრირდნენ ანგარიშის გასახსნელად. 

3.2. წინამდებარე ხელშეკრულებაზე ხელმოწერით „მომხმარებელი“ აცხადებს თანხმობას, რომ შპს „ვაკო მოტორსმა“ განხორციელოს მის მიერ მითითებული პერსონალური მონაცემების დამუშავება და გამოყენება ამავე ხელშეკრულებით ნაკისრი ვალდებულებების შესრულების  მიზნებისათვის. მათ შორის, შპს „ვაკო მოტორსი“ უფლებამოსილია მომხმარებლის მიერ მოწოდებული პერსონალური ინფორმაცია გაუმჟღავნოს და გადასცეს:

1) მასთან აფილირებულ ნებისმიერ პირს და მის უფლებამოსილ წარმომადგენელს;

2) შესაბამის პირს ან ორგანოს კანონმდებლობით გათვალისწინებულ შემთხვევაში ინფორმაციის გაცემის უფლების ან ვალდებულების არსებობისას; 

3) ნებისმიერ სხვა პირს ან ორგანიზაციას მომხმარებლის თანხმობით. 

4. Cookies ფაილები 

4.1. შპს “ვაკო მოტორსი” იყენებს Cookies ფაილებს.  Cookies ფაილები გამოიყენება იმისთვის, რომ ვებგვერდმა შეინახოს ინფორმაცია მომხმარებლების ქცევის შესახებ და გააუმჯობესოს მომსახურების ხარისხი. მათი მეშვეობით გენერირდება და გროვდება შემდეგი ინფორმაცია:

• IP მისამართი

• მოწყობილობის ტიპი

• ბრაუზერი

• ვებგვერდის ვიზიტის დრო, თარიღი და ხანგრძლივობა

• რომელი პლატფორმიდან გადმომისამართდა მომხმარებელი შპს “ვაკო მოტორსის” ვებგვერდზე

• ინფორმაცია შპს “ვაკო მოტორსის” ვებგვერდზე განხორციელებული ქმედებების შესახებ - რა პროდუქტები მოინახულა მომხმარებელმა

4.2. ამ ინფორმაციით არ ხდება კონკრეტული მომხმარებლის იდენტიფიცირება და წარმოადგენს ანალიტიკურ მონაცემებს.

4.3. ამგვარი ინფორმაციის დამუშავების მიზანია:

• გავაანალიზოთ ტრენდები

• შპს “ვაკო მოტორსმა” მართოს ვებგვერდი

• აწარმოოს სტატისტიკა

• თვალი ადევნოს მომხმარებლების ქმედებებს ვებგვერდზე გამოცდილების შექმნის მიზნით

• ეფექტური მარკეტინგული აქტივობების შესამუშავებლად და განსახორციელებლად

• რჩევებისა და რეკომენდაციების მისაცემად

4.4. ვებგვერდის გამოყენების დაწყებისას მომხმარებელს აქვს საშუალება დაეთანხმოთ cookies. თუ მომხმარებელი არ დააჭერს შესაბამის ღილაკს და შეტყობინების მიუხედავად გააგრძელებს ვებგვერდით სარგებლობას, მას ექნება შეზღუდული წვდომა ვებ გვერდზე.

4.5. Cookie-ს პარამეტრების ცვლილება შესაძლებელია ბრაუზერის პარამეტრების შეცვლით.

5. შპს „ვაკო მოტორსის“ მიერ ვებგვერდზე განთავსებული საქონლის/პროდუქციის ონლაინ  შესყიდვის წესები და პირობები 

5.1. „მომხმარებლის“ მიერ ვებგვერდის საშუალებით განთავსებული საქონლის/პროდუქციის შეძენის შემთხვევაში „მომხმარებელსა“ და შპს „ვაკო მოტორსს“ შორის წარმოიშობა ნასყიდობის სახელშეკრულებო ურთიერთობა, კერძოდ, შპს „ვაკო მოტორსი“ იღებს ვალდებულებას გარკვეული ღირებულების სანაცვლოდ გადასცეს „მომხმარებელს“ მოთხოვნილი საქონელი.

5.2. „მომხმარებელი“ უფლებამოსილია შპს „ვაკო მოტორსისგან" საქონელი/პროდუქცია  შეიძინოს ნებისმიერი ფორმით.  მათ შორის, კომპანიის  მაღაზიაში ადგილზე მისვლით ან  ვებგვერდის -  https://shop.vakomotors.ge/ გამოყენებით, მათ შორის ადგილზე მიტანის სერვისით, რაც ცალკე ანაზღაურდება; 

5.3. საქონლის შესაძენად, „მომხმარებელი“ ვებგვერდზე ირჩევს მისთვის სასურველ საქონელს და განათავსებს  ვირტუალურ კალათში, რის საფუძველზეც მომხმარებელს გადახდის კალათაში გამოუჩნდება გვერდი „შეკვეთა მყიდველისგან“;  

5.4. გვერდზე „შეკვეთა მყიდველისგან“  მითითებული საქონლის შეძენის შემთხვევაში შპს „ვაკო მოტორსი“ ვალდებულია მყიდველს მიაწოდოს  შეძენილი საქონელი;   

4.5. შპს „ვაკო მოტორსის“ მიერ ონლაინ შეკვეთების მიღება ხდება ყოველდღე 24 საათის განმავლობაში, ხოლო შეძენილი საქონლის/პროდუქციის მიწოდებას ახორციელებს საქართველოს ტერიტორიაზე.  

5.6. მომხმარებლის მიერ შეძენილი საქონლის/პროდუქციის  გასაგზავნად გამზადება და გაგზავნა განხორციელდება:

5.6.1. თბილისის ფარგლებში - შეკვეთილი საქონლის ღირებულების გადახდიდან მეორე სამუშაო დღეს; 

5.6.2. რეგიონებში,  შეკვეთილი საქონლის ღირებულების გადახდიდან 3 სამუშაო დღის განმავლობაში. 

5.7. შპს „ვაკო მოტორსი“  ვალდებულია გვერდზე „შეკვეთა მყიდველისგან“ მითითებულ მისამართზე უზრუნველყოს შეძენილი  საქონლის/პროდუქციის მიწოდება. პროდუქტის მიღება-ჩაბარება მყიდველის სახელით შეუძლია ნებისმიერ პირს, რომელიც იქნება მითითებულ მისამართზე და წარადგენს შეკვეთის უნიკალური კოდსა და თავის პირადობის დამადასტურებელ დოკუმენტს.

5.8. მომხმარებელი ვალდებულია დაიცვას შეკვეთის უნიკალური კოდის უსაფრთხოება.   შპს „ვაკო მოტორსი“  არ არის პასუხისმგებელი შეკვეთის უნიკალური კოდის არაუფლებამოსილი პირის მიერ გამოყენებით დამდგარ ნებისმიერ შედეგზე. შეძენილი საქონლის/პროდუქციის  მიღება-ჩაბარებას მყიდველი ადასტურებს შესაბამის დოკუმენტზე ხელმოწერით. ხელმოწერამდე მიმღები ვალდებულია ვიზუალურად დაათვალიეროს საქონელი/პროდუქცია. მიღება-ჩაბარების აქტზე ხელმოწერის მომენტიდან პროდუქტი ითვლება ჩაბარებულად და არ მიიღება მომხმარებლის რაიმე პრეტენზია.

5.9. მომხმარებლის მიერ შეძენილი საქონლის საგარანტიო პირობები, რომელიც გაცემულია ქარხანა-დამამზადებლის მიერ, ასეთის არსებობის შემთხვევაში, განთავსებულია ვებგვერდზე. მომხმარებლისათვის ცნობილია, რომ შპს „ვაკო მოტორსი“ არ წარმოადგენს ვებგვერდზე განთავსებული საქონლის მწარმოებელს და არ ეკისრება პირდაპირი პასუხისმგებლობა საგარანტიო პირობების შესრულებასთან დაკავშირებით.

6. შეძენილი საქონლის/პროდუქციის დაბრუნების წესი და პირობები

6.1. შპს “ვაკო მოტორსისთვის" მნიშვნელოვანია თითოეული მომხმარებლის კმაყოფილება. პროდუქტის დაბრუნების სურვილის შემთხვევაში მომხმარებელი ვალდებულია პროდუქტის მიღებიდან 14 დღის განმავლობაში დააბრუნოს პროდუქცია.

6.2. საქონლის დაბრუნების მიზნით მომხმარებელს შეუძლია განაცხადოს მოთხოვნა წერილობითი სახით ან/და დაუკავშირდეს შპს “ვაკო მოტორსის” ქოლ ცენტრს;

6.3. საქონლის დაბრუნების შემთხვევაში მომხმარებელზე/შემძენზე ღირებულების ანაზღაურება შესაძლებელია უნაღდო ანგარიშსწორებით ან იმ  საბანკო ანგარიშზე ჩარიცხვის გზით, რომლიდანაც განხორციელდა ნივთის შესყიდვა. მათ შორის ანაზღაურდება ტრანსპორტირების ღირებულება.  თანხის დარიცხვა მოხდება დაბრუნებული საქონლის მიღებიდან  5 დღის განმავლობაში.

6.4. შპს “ვაკო მოტორსი” იტოვებს უფლებას არ დაიბრუნოს საქონელი თუ:  

ა) მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც მოვაჭრე ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;

ბ) მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;

გ) მიწოდებული საქონელი მალფუჭებადია ან მას მოკლე ვარგისობის ვადა აქვს;

დ) მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;

ე) მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;

ვ) მიწოდებულ იქნა დალუქული აუდიო/ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;

ზ) მიწოდებულ იქნა ჟურნალ-გაზეთები ან სხვა სახის პერიოდული გამოცემა, გარდა იმ შემთხვევისა, როდესაც მათი/მისი მიწოდების საფუძველი სააბონენტო ხელშეკრულებაა;

თ) ხელშეკრულება საჯარო აუქციონის შედეგად დაიდო;

ი) მას ციფრული შინაარსი მიეწოდა არამყარი მატარებლით, ხელშეკრულების შესრულება მომხმარებლის წინასწარი თანხმობით დაიწყო და მომხმარებელმა იცოდა, რომ ამით დაკარგავდა ხელშეკრულებაზე უარის თქმის უფლებას;  

კ) პროდუქტი ჰერმეტულად დაცული საქონელია, მისი ჰერმეტულობა მიწოდების შემდეგ დაირღვა.

7. დასკვნითი დებულებები

7.1. წინამდებარე ხელშეკრულება ძალაში შედის მისი ხელმოწერის დღიდან და მოქმედებს განუსაზღვრელი ვადით;

7.2. წინამდებარე ხელშეკრულებაზე ხელმოწერით „მომხმარებელი“ ადასტურებს შპს „ვაკო მოტორსის"   უფლებამოსილებას, რომ მასთან კომუნიკაცია განახორციელოს ელექტრონული კომუნიკაციის საშუალებების გამოყენებით;