DAF XF და DAF CF მოდელებმა კატეგორია „გამორჩეული დიზაინი და ინოვაცია“-ში მიიღეს პრესტიჟული საერთაშორისო ჯილდო Good Design Award. მისმა 55 წევრიანმა ჟიურიმ გამარჯვებული გამოავლინა 835 სხვადასხვა პროექტს შორის.

ყოველწლიური დაჯილდოება Good Design Award არის ერთ-ერთი ყველაზე უფრო ძველი და პრესტიჟული პრიზი დიზაინსა და ინოვაციების სფეროში. ის არსებობს 1958 წლიდან. ზოგადად უნდა აღინიშნოს, რომ CF, LF და XF-ის ახალი თაობის მოდელების გამოსვლის შემდეგ, მათ მიიღეს არაერთი საერთაშორისო პრიზი. მათ შორის: „წლის საერთაშორისო სატვირთო“, „საუკეთესო სატვირთო ავტოპარკისთვის“, „წლის ყველაზე ეკოლოგიური სატვირთო“, „საუკეთესო სატვირთო მშენებლობისთვის“ და ა.შ.

Good Design Awards-ის ჟიურიმ შემდეგი სიტყვებით შეაფასა დაფის მოდელები: „მათ შექმნეს სტილის, ფუნქციონალობის, უსაფრთხოების, ეკოლოგიისა და ეფექტურობის ახალი ეტალონი. ამგვარმა ინოვაციურმა მიდგომამ იმგვარი სატვირთო ავტომობილის კონცეფციის შემუშავების საშუალება მისცა კომპანიას, რომელიც ითვალისწინებს საბოლოო მომხმარებელს, ბიზნესს და გარემოს.

სრულყოფილება და დახვეწილი სტილი

კაბინის შიდა ინტერიერის დიზაინი გავს მსუბუქი მანქანის სალონს, რომელიც ჟიურის აზრით: „სატვირთოს მატებს დახვეწილობას“. სატვირთოს შიდა სივრცე ერგონომიკულად ოპტიმალურად არის ორგანიზებული, ასევე ის იძლევა შესაძლებლობას ინდივიდუალური ოპტიმიზაციისთვის. ინტერიერს გააჩნია მყარი და ხანგრძლივი გამოყენების მასალები და სრულყოფილი ვიბროიზოლაცია. ყველა ეს თვისება უზრუნველყოფს მძღოლის მაქსიმალურ კომფორტს.

შრომატევადი მუშაობის შედეგი

DAF-ის მარკეტინგის და გაყიდვების დირექტორის, რიჩარდ ზინკის განცხადებით: „Good Design Award-ის ჯილდო, ეს არ არის მხოლოდ სრულყოფილი დიზაინის ნიშანი. DAF Trucks-ისთვის ეს არის გულმოდგინე, შრომატევადი მუშაობის აღიარება, რომლის შედეგიც ერთის მხრივ ჩვენი კლიენტების ბიზნესის განვითარება და მეორეს მხრივ მძღოლებისთვის კომფორტული პირობების შექმნაა.